طبق أول يوم رمضان .. كنافة بالقشطة
تعتبر الكنافة بالقشطة من الحلويات الشرقية الأشهر في شهر رمضان، إذ لا تكتمل المائدة الرمضانية بدونها يقدم 
مكونات وطريقه عمل الكنافة بالقشطة.
المكونات
نصف كيلو كنافة
ربع كوب سكر بودرة
نصف كوب سمنة مذابة
عسل أو قطر أو شربات للتحلية
مقادير القشطة
كوبين من الحليب
٣ ملعقة كبيرة من النشا
نصف كوب قشطة “أو علبة قشطة جاهزة ”
ملعقة كبيرة سكر
ملعقة صغيرة فانيليا
طريقة تحضير الكنافة
قطعى الكنافة الى قطع صغيرة وضعيها فى بولة أو اناء وانزلى عليها بالسمنة المذابة والسكر وقلبى كويس لحد ما تتشرب السمن بشكل جيد
افردى نصف كمية الكنافة فى صينية مدهونة بالسمنة واضغطي عليها بالراحه ودخليها فى فرن ساخن على درجة حرارة ١٨٠ درجة حتى تاخد اللون الذهبي واعملى نفس الخطوة ده بالظبط مع الطبقة التانية.
لتحضير القشطة
ضعى وعاء على نار هادئه وانزلى فيه بالحليب والنشا والسكر وقلبي باستمرار لكى يصبح الخليط اللى معاكى كثيف وضيفى الفانيليا والقشطة واقلبي كويس وبعد كده شيليه من على النار وسيبيه يبرد
لما تبرد طبقة الكنافة الاولى حطيها فى طبق ووزعى فوقها طبقة القشطة بالتساوى وحطى الطبقة التانية من الكنافة فوق القشطة بعد ما طبعا اخدت اللون الدهبي
صبي الشربات البارد على الكنافة وهى ساخنه واتركيها لثواني لتشرب الشربات
وممكن تزينى الوجه بقليل من المكسرات.
